Փոփոխությունների կառավարումը պետական համակարգում. դիմադրության հաղթահարում և աշխատակիցների ներգրավում

Այս թեմայով առաջին դասընթացը տեղի կունենա մարտի 12-ին (ժամը՝ 14։00-17։15), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր:

Դասընթացը նպատակ ունի զարգացնել մասնակիցների կարողությունները՝ արդյունավետ պլանավորելու, իրականացնելու և վերահսկելու փոփոխությունները կազմակերպական և մասնագիտական միջավայրում։ Դասընթացը կենտրոնանում է փոփոխությունների նկատմամբ մարդկանց արձագանքների հասկացման, դիմադրության հաղթահարման և կայուն արդյունքների ապահովման վրա։
Դասընթացը համադրում է տեսական մոտեցումները և գործնական գործիքները՝ մասնակիցներին հնարավորություն տալով իրական փոփոխությունները ղեկավարել վստահ և համակարգված ձևով։

Դասընթացին կարող են մասնակցել՝

● ղեկավարներ և թիմի առաջնորդներ
● միջին և բարձր օղակի ղեկավարներ,
● HR մասնագետներ,
● ծրագրերի և փոփոխությունների ղեկավարներ,
● կազմակերպությունների աշխատակիցներ, ովքեր ներգրավված են փոփոխությունների իրականացման գործընթացներում,
● անձինք, ովքեր ցանկանում են զարգացնել փոփոխությունների կառավարման հմտությունները։

Դասընթացի ավարտին մասնակիցները կկարողանան՝

● հասկանալ փոփոխությունների բնույթը և փուլերը,
● վերլուծել փոփոխությունների նկատմամբ դիմադրության պատճառները,
● մշակել փոփոխությունների իրականացման պլան,
● արդյունավետ հաղորդակցել փոփոխությունները թիմին,
● ներգրավել և մոտիվացնել թիմը փոփոխությունների ընթացքում,
● ապահովել փոփոխությունների կայուն արդյունքները։

Դասընթացի նախատեսված այլ օրեր՝

• Մարտի 19, ժամը՝ 18։30-21։45
• Մարտի 26, ժամը՝ 14։00-17։15
• Ապրիլի 9, ժամը՝ 18։30-21։45
• Ապրիլի 16, ժամը՝ 18։30-21։45
• Ապրիլի 22, ժամը՝ 18։30-21։45