ԱՐԴՅՈՒՆԱՎԵՏ ԲԱՆԱԿՑՈՒԹՅՈՒՆՆԵՐ․վստահության և փոխընդունելի արդյունքների կառուցում

Դասընթացը տեղի կունենա Մարտի 18-ին (ժամը՝ 18։30-21։45), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր:

Դասընթացն ինտերակտիվ է, ներառում է տեսական դասախոսությունների, գործնական աշխատանքի, փորձի փոխանակման, դերային խաղերի, ինչպես նաև կրթական ժամանակակից մեթոդների կիրառում: Նման մոտեցումը հնարավորություն է տալիս հաջողությամբ համադրել և ամրապնդել տեսական գիտելիքները, գործնական աշխատանքը և ձեռք բերած նոր հմտությունները:

● Դասընթացը նախատեսված է բոլոր նրանց համար, ովքեր անհրաժեշտություն ունեն բանակցել շրջապատի մարդկանց, աշխատակիցների, գործընկերների, հաճախորդների, պոտենցիալ գնորդների և այցելուների հետ։
● Դասընթացը օգտակար և կիրառելի է ինչպես փորձառու, այնպես էլ սկսնակ բանակցողների համար: Դասընթացը լավ հնարավորություն է նաև նրանց համար, ովքեր ցանկանում են ավելի արդյունավետ կերպով բանակցել իրենց շրջապատող մարդկանց հետ, խուսափել մանիպուլյացիաներից, բանակցություններում հասնել հաջողության և ստանալ առավելագույնը։

Արդյունքում մասնակիցները կսովորեն՝

● Ճիշտ մեկնաբանել բանակցություն հասկացությունը
● Հասկանալ և հստակ ձևակերպել բանակցության նպատակը
● Տարանջատել ֆորմալ և ոչ ֆորմալ բանակցությունները
● Բացահայտել բանակցության վրա ազդող գործոնները
● Տարբերակել բանակցության հիմնական ռազմավարությունները
● Սահմանել բանակցության փուլերը
● Ճիշտ նախապատրաստվել բանակցություններին
● Ձևակերպել ճիշտ և արդյունավետ հարցեր
● Իրականացնել ակտիվ լսում
● Հասկանալ և կիրառել Հարվարդի բանակցային մեթոդի սկզբունքները
● Մշակել և կիրառել լավագույն այլընտրանքի մեթոդը
● Դիմակայել կոշտ բանակցություններին
● Ազդել ուժերի հավասարակշության վրա
● Բացահայտել և զարգացնել անձնական բանակցային ոճը
● Խուսափել բանակցության սխալներից
● Բացահայտել զրուցակցի իրական և թաքնված կարիքները
● Աշխատել առարկությունների հետ
● Բանակցելու մի շարք տեխնիկաներ և հմտություններ