ԿԱՌԱՎԱՐԵՔ ՍԹՐԵՍԸ՝ զարգացնելով արձագանքելու ունակությունը և պահպանելով հանգստությունը

Դասընթացը տեղի կունենա Մարտի 13-ին (ժամը՝ 18։30-21։45), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր:

Դասընթացն ինտերակտիվ է, ներառում է տեսական դասախոսությունների, գործնական աշխատանքի, փորձի փոխանակման, դերային խաղերի, ինչպես նաև կրթական ժամանակակից մեթոդների կիրառում: Նման մոտեցումը հնարավորություն է տալիս հաջողությամբ համադրել և ամրապնդել տեսական գիտելիքները, գործնական աշխատանքը և ձեռք բերած նոր հմտությունները:

● Դասընթացը նախատեսված է բոլոր նրանց համար, ովքեր նկատում են, որ առօրյա կյանքում և աշխատանքային միջավայրում հաճախ են հայտնվում սթրեսային իրավիճակներում, ծանր են տանում դրա ազդեցությունը և ցանկություն ունեն հնարավորինս խուսափել նյարդային և սթրեսածին իրավիճակներից, ինչպես նաև չեզոքացնել սթրեսի բացասական ազդեցությունը կյանքի, առողջության և աշխատանքային արդյունավետության վրա։
●Դասընթացը լավ հնարավորություն է նաև նրանց համար, ովքեր ցանկություն ունեն առավել հավասարակշռված և առողջ դարձնել իրենց կյանքն ու աշխատանքային գործունեությունը, ժամանակին բացահայտել և կանխել սթրեսի ծագման աղբյուրները, ապրել ավելի հանգիստ կյանքով, ինչպես նաև աշխատել ու ստեղծագործել ոգևորությամբ և հետաքրքրությամբ։

Արդյունքում մասնակիցները կսովորեն՝

● Ճիշտ ընկալել և մեկնաբանել սթրես հասկացությունը
● Տարբերակել էուսթրեսն ու դիսթրեսը
● Սահմանել սթրեսի սկզբունքները
● Վերլուծել սթրեսի պատճառները
● Նկատել և չեզոքացնել սթրեսի դրսևորումները
● Բացահայտել սթրեսի գործոնները և աշխատել դրանց հետ
● Նկատել և վերլուծել սթրեսի փուլերը
● Վերլուծել սթրեսի հետևանքները և կառավարել դրանք
● Բացահայտել սթրեսի թրիգերների աղբյուրները և չեզոքացնել դրանք
● Կառավարել ազդակ-գործողություն շղթան
● Կառավարել սեփական էմոցիաները
● Կառավարել ազդեցության և անհագստության տարածքները
● Վերլուծել պրոակտիվ և ռեակտիվ վարքագծերի տարբերությունը
● Կիրառել համագործակցության մոդելը՝ մրցակցայինի փոխարեն
● Սթրեսի կառավարման մի շարք տեխնիկաներ և հմտություններ