Արհեստական բանականության կիրառումը պետական համակարգում

Այս թեմայով առաջին 2-օրյա դասընթացը տեղի կունենա մարտի 18-ին (ժամը՝ 18։30-21։00) և մարտի 19-ին (ժամը՝ 19։00-21։30), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր:

Թվային տեխնոլոգիաների արագ զարգացումը, մասնավորապես արհեստական բանականության (ԱԲ) կիրառումը, էական փոփոխություններ է բերում կառավարման և աշխատանքային գործընթացների կազմակերպման մեջ։ Պետական կառավարման համակարգում ԱԲ-ի հնարավորությունները դիտարկվում են որպես գործիք՝ ուղղված արդյունավետության բարձրացմանը, տեղեկատվության մշակման արագացմանը և վերլուծական կարողությունների ուժեղացմանը։

Միևնույն ժամանակ, ԱԲ-ի կիրառումը պետական միջավայրում առաջացնում է մի շարք հարցեր և մտահոգություններ՝ կապված մարդու դերի պահպանման, որոշումների պատասխանատվության, տվյալների պաշտպանության և էթիկական սահմանափակումների հետ։ ԱԲ-ի ոչ վերահսկելի կամ ոչ ճիշտ կիրառումը կարող է հանգեցնել կառավարչական, իրավական և համակարգային ռիսկերի։
Այս համատեքստում անհրաժեշտ է պետական համակարգում աշխատող մասնագետների կարողությունների զարգացում՝ ուղղված արհեստական բանականության կիրառման հնարավորությունների, սահմանափակումների և վերահսկելի օգտագործման մեխանիզմների ըմբռնմանը։

Դասընթացին կարող են մասնակցել՝
● պետական ծառայողների,
● միջին և ավագ օղակի ղեկավարների,
● վերլուծաբանների և ծրագրերի պատասխանատուների,
● պետական կառավարման ոլորտում թվային գործիքների կիրառման մեջ ներգրավված մասնագետների համար։

Դասընթացի ավարտին մասնակիցները կկարողանան՝

● հասկանալ արհեստական բանականության կիրառման հնարավորություններն ու սահմանափակումները,
● կիրառել ԱԲ-ն որպես օժանդակ գործիք իրենց մասնագիտական գործունեության մեջ,
● պահպանել կառավարչական վերահսկողությունը և պատասխանատվությունը,
● նվազեցնել տեխնոլոգիական և էթիկական ռիսկերը պետական համակարգում։