Հարկ վճարողի օր
Պետություն-մասնավոր հատված երկխոսության անհրաժեշտությունը և արդյունավետությունը փաստող միջոցառումներից է ապրիլի 19-ինը՝ Հարկ վճարողի օրը:
Հարկ վճարողները վճռորոշ դեր են խաղում կառավարության և հասարակության գործունեությանն աջակցելու համար՝ ապահովելով անհրաժեշտ եկամուտ՝ հիմնական ծառայությունների ֆինանսավորման, տնտեսական զարգացման խթանման, սոցիալական հավասարության ապահովման, հանրային ենթակառուցվածքների պահպանման և կառավարության գործունեությանն աջակցելու համար:
Յուրաքանչյուր տարի օրը նշանավորվում է նաև նրանով, որ ՀՀ Պետական եկամուտների կոմիտեն և ՊԵԿ Ուսումնական կենտրոնը համատեղ կազմակերպում են հանդիպում-քննարկում հարկ վճարողների և Կոմիտեի ներկայացուցիչների միջև: Այս տարի քննարկմանը ներկա էին ՀՀ ՊԵԿ Հարկ վճարողների ընթացիկ հսկողության հարկային տեսչություն-վարչության պետ Արմեն Սաֆարյանը, ՀՀ ՊԵԿ Հարկային վարչարարության կազմակերպման, դիտարկման և հսկողության վարչության պետ Զառա Մելքումովան, ՀՀ ՊԵԿ Վարչարարության մեթոդաբանության և ընթացակարգերի վարչության պետ Լեռնիկ Հարությունյանը և ՀՀ ՊԵԿ Իրավաբանական վարչության պետ Արման Մնացականյանը:
Քննարկումը իրազեկող էր, համապարփակ և ուղղված էր երկկողմանի համագործակցությունը խթանելուն, քանի որ հարկաբյուջետային որոշումները ուղղած են հասարակության մեջ հարկային բեռի արդարացիորեն բաշխմանը:
Հարկ վճարողների տեսակետների և փորձառությունների տարբերությունը հանգեցրեց քննարկման ավելի կառուցողական լինելուն՝ քննարկման թեմաներ դարձնելով հարկային քաղաքականության մեջ թափանցիկության կարևորությունը, անհատների և համայնքների վրա տարբեր հարկային համակարգերի ունեցած ազդեցությունը, հարկային վարչարարության համակարգերի արդյունավետության բարձրացումը, հարկային գործընթացների պարզեցումը, հարկերից խուսափելու և խուսափելու դեմ պայքարելու ուղիները և այլն:
Այս խորհրդանշանակն օրը ՊԵԿ Ուսումնական կենտրոնը իր շնորհակալությունը հայտնեց նաև Կենտրոնի դասընթացների մասնակիցներին՝ կարևորելով երկարատև և փոխադարձ վստահությամբ համագործակցությունը:
Խթանելով բաց և տեղեկացված քննարկումները հարկատուների և ՊԵԿ ներկայացուցիչների միջև՝ շահագրգիռ կողմերը կարող են աշխատել արդար, արդյունավետ և կայուն հարկային քաղաքականությունների մշակման ուղղությամբ, որոնք օգուտ են բերում ողջ հասարակությանը:
