Երիտասարդ առաջնորդների հակակոռուպցիոն դպրոցի 9-րդ հոսքի ուսումնական ծրագիր
Երիտասարդ առաջնորդների հակակոռուպցիոն դպրոցի 9-րդ հոսքի ուսումնական ծրագրի 20 մասնակիցներ հուլիսի 27-ին այցելեցին ՀՀ ՊԵԿ Ուսումնական կենտրոն:
Կենտրոնում տեղի ունեցած դասընթացը վարեց ՀՀ ՊԵԿ իրավաբանական վարչության պետի տեղակալ Նաիրա Ավանեսյանը, ով ունկնդիրներին ծանոթացրեց հակակոռուպցիոն պայքարում ՀՀ պետական եկամուտների կոմիտեի դերին, Կոմիտեի գործառույթներին և պատասխանեց մասնակիցներին հարցերին:
Իրավաբանների հայկական ասոցիացիան Հայաստանի ՔՀԿ-ների հակակոռուպցիոն կոալիցիայի հետ համագործակցությամբ և մասնագիտական առցանց մեդիայի տեղեկատվական աջակցությամբ իրականացնում է Երիտասարդ առաջնորդների հակակոռուպցիոն դպրոցի 9-րդ հոսքի ուսումնական ծրագիրը:
Ծրագրի շրջանակներում 20 մասնակիցներ այցելում են պետական մարմիններ և հանդիպումներ ունենում պատկան մարմինների ղեկավարների հետ: Այցելությունների և հանդիպումների նպատակն է ծանոթացնել ՀՀ-ում գործող դատաիրավական, այդ թվում հակակոռուպցիոն ինստիտուցիոնալ համակարգի մարմիններին և նպաստել Հակակոռուպցիոն դպրոցի ունկնդիրների պրակտիկ ոլորտային գիտելիքների զարգացմանը:
