Մայիս Մարգարյանը Հայաստանում Excel-ի և տվյալների վերլուծության առաջատար փորձագետներից է, «Excelist» ուսումնական կենտրոնի հիմնադիրը, ով իր գործունեությամբ ցույց է տվել, թե ինչպես կարելի է մեկ մասնագիտական ուղղության շուրջ ձևավորել ամուր, գիտակից և գործնական համայնք։

Դասավանդման և համայնքի կառուցման իր աշխատանքով նա նպաստում է բարդ տեխնիկական խնդիրների պարզեցմանը, մասնագետների միջև համագործակցության ամրապնդմանը և փոխօգնության մշակույթի ձևավորմանը։

Մայիս Մարգարյանը դասավանդում է ՀՀ ՊԵԿ «Ուսումնական կենտրոնում» 2020 թվականից:

• «Excelist» ուսումնական կենտրոնի հիմնադիր՝ Excel, SQL, Power BI և տվյալների վերլուծության խորացված դասընթացներով
• Ավելի քան 12 տարվա դասավանդման և թրեյնինգների կազմակերպման փորձ
• Թրեյնինգներ անհատների և կորպորատիվ հաճախորդների համար (բանկեր, հեռահաղորդակցություն, պետական սեկտոր)
• Ավելի քան 5000 ուսանող տարբեր ոլորտներից
• Մասնագիտական ակտիվ համայնքների ստեղծում և վարում սոցցանցերում։